( الضاحك الباكي ) بقلم الشاعر صبري رسلان

الضاحك  الباكي     (202)

......................

برسم  في  ضحكه مزيفه  

وبغش  حالي   ..

مكتوب  عليا  أبتسم  

ويروق  لي  بالي  ..

جوايا  فيه  بستان  وجع  

دبلت  وروده   ...

وعيون  وجفت  من  الدموع  

ناكرة   فى  وجوده 

مين  حس  مر   شكويته   

ودمعه  فى  خدوده    .. 

ووشوش  قباله  بتبتسم  

ما  يهمهاش  ..

ضحكتها  طالعه  من  القلوب  

ده  ما  حسهاش  ..

ماتت  شريكته  في  الحياة 

ولا  عزهاش    ..

كاتم   في   حزنه  جوا  منه  

ناسيه   ما  جاش  ..

بيداري  وجعه  وشكويته 

إحساسه  باش       .. 

بدل  دموعه  بضحكته 

قلبك   ده   أيه   ..

لحظات  وعرضه  إنتهى  

وجرحه   يناديه  ..

غير  وبدل  في الوشوش 

ضاحك   ل  باكي    ..

كان  نفسه  نسمع  صرخته    

لو  مره  شاكي  ..

بقلم ..  صبري رسلان