.......كل شي حلو .......
كل شي حلو ﻻإلو بيشدك
تمتع نظر ما في حدا يردك
الناس المغرمة ورحمة ابوك
بيعملوا المستحيل وبعد شوبدك
والعين بتشوف تيجان وملوك
وعروش وسﻻطين بقد مابدك
ﻻتحسب النظرات مهما كلفوك
مقابيل غمزة عين بتهدك
والورد بدو يجرح بالشوك
كل ما تحاول تقطفو بيدك
بتندمى والناس رح بيشاهدوك
وما حدا جريح الحب بيعدك
بالعكس مجرم بدن يعدوك
ويحكموا عليك ويسرعوا بجلدك
ظلم وإفترا بالمحكمة بيجرموك
وكل الحقائق تنقلب ضدك
خليك مخلص مع البيحبوك
وكون جدي وحازم بردك
وﻻ تخلي المغريات يتوهوك
وخلي لحافك دوم عاقدك
..بقلمي .
الشاعر عيسى وسوف باظة
ليست هناك تعليقات:
إرسال تعليق