شريط حداد ( 207)
..................
هرد لك
الطاق طاقين ..
واحده واحده وعين بعين
ليل عتابي وشمس ضله
فات غرامي وناسي إنه
زاد ديونه وحظي خاب
لو هيبكي العمر كله
فين هيهرب من العذاب
ناسى همسي وليل دموعي
هد وعده بالعناد
والغرام مات شوق في دارنا
إتربط بشريط حداد ..
الله جازي اللي منه
مين ظلمني وقال بعاد
كنت فاكرك قال ملاك
روح وجنه هعيش هناك
كل يوم بيدوق معاك
طعم مالح شهد مره
إتخدعت في عمري كله
حتى همسه وقربي منه
كلها .. أحاسيس تقوله
فين غرامك دافنه فين
بدل الأشواق برود
واللي ضاع بأسم الوعود
والدموع فوق الخدود
زيف خداع مرسوم بفنه
أييه بقيللي معاك عذاب
كله خدته وزاد حساب
اللي كان محبوس في ضله
شمس غايبه وعمر فات
قولنا عيشه من سكات
قمنا نلقى قلوبنا غايبه
والفراق بقى نار وقايده
قطعت في وصالنا دايبه ..
ألف ليله وطوق عذاب
والعناد جوانا ساب
100 علامه وشارطه مايله
بقلم .. صبري رسلان
ليست هناك تعليقات:
إرسال تعليق