(( حلم ))
_____________
حلم .......
توالي الليل وياك
وجذب من كال تروح عن بالي وأنسه
تنشدني الشمات....
واكول وياي لساك
ولا اكول نساني وعاف العشره
وتظل عيوني للموت لجيتك منتظره
ضيعت عمري وياك
يالمانطيت حبي قدره
اشتاكلك والدنيا بعدك ظلمه
هظيمة ام طفل خنكت ابنهه سهوه
تظل طول الليل حسره بأثر حسره
ونة توالي الليل
القلب تفطره
ودموع رشك المطر
اكلب صوركم
وبذكرياتكم اقره
تعذرني الصبر
وصبري عليك هذا حده
فاركني الفرح
واخذ ضحكتي وياه ترجيه بأذنه
هجرك.......
عظت ذيب وجرح ملجوم محد شده
ولساني......
احط رسمك بكاروك الولي وأهزه
ونار سعيره بالصدر ضلوعي حطب تحركه
قلمي......
الشاعر والأديب
خضر عباد الجوعاني
العراق
ليست هناك تعليقات:
إرسال تعليق