.. محكيّة وطنيّة..
.. سلامات..
ياااا قلم ساعدني
اسكب نهر سلامات
يمكن توصل؟
ويمكن تعثّرها الأنّات.
أوّل سلام لشهيد
روى بدمه تراب الوطن
مسجّى بنعش
وعلم بلاده كفن
روحك الكتاب والسور والآيات.
وتاني أوّل سلام لجندي
صامد باقي عَ الوعد
ايده على زناد الحق
وعينو ع بيرق المجد
ياحامي العرين
لفضلك بتنحني الهامات.
وتالت أوّل سلام لأم
بتزغرد
بتغنّي
وبتدمع
تبوّس جبين ابنها
وشكر لله بتركع
أصل الحصاد
اللي بتزرعه الأمهات.
ورابع أوّل سلام لسوري
عن حب الوطن ماحاد
وبعدو شايفو بالدنيا أجمل بلاد
إلك يا إبن بلدي
ورده
وضمّه
وسلامات.
.. محمد عزو حرفوش..
ليست هناك تعليقات:
إرسال تعليق