مشوار عالضيعة..
برفقة شلة صبايا رحنا مشوار
على ضيعتنا الجميلة ومضينا نهار
من ترايا ومن عشباتا عطرنا تياب
فرحو فينا شجراتا وكل اﻷزهار
هالنسمات العليلة ترفرف وتطير
ومعها عطر البرية وصوت عصافير
من اﻷعشاب الطبية قطفنا كتير
وعالمدينة حملناها تتكون تذكار
مارح ننسى ولا لحظة خبز التنور
الفاحت هالريحة منو متل البخور
كل يوم كان يشرفنا وجبتنا يزور
ومتلو فاتح شهية بعمرو ماصار
من مياتك ياضيعة شربنا أبريق
عملنا متة تمشينا على الطريق
وتيناتك كانو إلنا أحسن صديق
وكرم أهلك سكانك فايض أنهار
وارد الجوري
ليست هناك تعليقات:
إرسال تعليق