طل عليي من الشباك
..........................
طل عليي من الشباك
عصفور صغير وقلي
فتحلي عالحارك شو باك
ألله يبعتلك علة/ي
قلتلو يا هالعصفور
شو القصة شكلك محرور
روق عليي شوي صبور
عيب عليك تسبلي
قلي جوعان وهربان
من ظلم وجور الأنسان
ما ضل بهالدنيي أمان
جايي تلاقيلي حلة/ي
فتحتلو شباك البيت
وعطيتو مني الأمان
وحطيتو بحضني وضليت
غنيلو تاشفتو نام
نيمتو عا أيديي
وغطيتو شويي شويي
ومن ورداتي الجورية
قطفتلو منها سلة/ي
ليست هناك تعليقات:
إرسال تعليق